محطة الحب

Love station
 
الرئيسيةالبوابةس .و .جبحـثالتسجيلدخول

شاطر | 
 

 ابوذيااااات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بزونه
Admin


انثى
عدد الرسائل : 767
العمر : 30
العمل/الترفيه : كليه
المزاج :
تاريخ التسجيل : 25/11/2007

مُساهمةموضوع: ابوذيااااات   السبت نوفمبر 01, 2008 11:19 am

الدنيا الف صورة لاقط الهة
وابد ماصرت ثعلب لاقط الهة
انا اقلامي تركتهة لاقط الهة
شكتب بعد مايقررون الية

بكينه اعظام والدنيه سبتنا
وكظينه بظيم وبحسرره سبتنا
ومن دون السبت صاير سبتنا
الفرح واحزان مخلوطه سويه

اساس انه يدنيه وبيه ربعي
جفوني ومالفو بالشدة ربعي
انه الكامل جنت شو صفه ربعي
وثلثترباع راحن بس اذيه

شعر مااكتب لغيرك وناظم
وتفضح دوم بسراري وانا ظم
الساهر ماوصف حسنك وناظم
اوصفك ابيش وانته الروح اليه

الك عمرين نص روحي ..ولك بر
والك نهرين نص كلبي ..ولك بر
الك يرخص ثلث عمري ..ولكبر
خصم هذا الحجي كلك اليه

روحي عللجفوني بليل ونت
ووزع كمت علجيران ونات
كرهت الحاسبه ولجات ونت
لان ايميلكم مامر عليه

شكثر زلات الململك واعلك
وجنت بايدي اكومنك واعدلك
وعدت انت وانا كلبي وعدلك
وفيت اليوم وانت اغدرت بية

طبعك ياحبيبي وياي غيره
بجيت وماتصيبك علي غيره
اذا حبي نسيته وشفت غيره
دكلي شبيك ليش تضم عليه

يهل تنشد انا شاعر ولامي
كثير اهموم البكلبي ولامي
يتيم ولا ابو عندي ولامي
جبتهه من الزغر ضيم واذيه

اتعارك لجل عينك وطك طك
وللحاسد اذب حرمل واطك طك
افرح من تراسلني واطك طك
انا بخير يالتنشد عليه

شبدينا عل النحبه مايحبنه
مثل السمج طبعه مايحبنه
بارد يلتشربه ماي حبنه
وشربت يلكلت مالح شويه

لغيرك مامشه جدمي ولا داب
والشامت لاخلق عنده ولا اداب
اريد اترك الجامعه والأداب
اذا فكرت يوم تخون بيه

اسالك عن خبر واحد وشاني
صدك نسيت وهملت امري وشاني
مترهي وسفن تشرب وشاني
وانا الماي مر طعمه عليه

القلب مارف على غيرك ولامال
خلص عمري من كثر وعودك والامال
ابد لاولف عندي يسليني ولامال
الونس انته حبيبي وهاي هيه

بصراوي حلات النومي يلطيبين بصراوي
ومثل طيب العماره الكيت بصراوي
دهاكم واخذو مني العين بصراوي
واشوف ابشوك شوفتكم اليه

افكر بيك ياصاحب ولانام
ولا اغمض جفن ولا نام
احب اكعد كبالك ولا انام
عزيز وشوفتك حصره عليه

تجف الارض ولا جفت نجفنه
نعيش انموت مرجعنه نجفنه
دخيلك ياعلي احميها نجفنه
ياحامي الحمه وراعي الثنيه

منو مثلي تعب لجلك ودارة
وعاش بعيد عن اهله ودارة
اضن واحد حجة براسك ودارة
وصرت اهواي متغير علية

دكافي من البعد بس بس
ومنو البذنك علي بس بس
جنت تركض تجيني لو كلت بس بس
شجاك شغيرك يسمر عليه

خناجر لاتحد بية وناسف
وغلطه مابدت مني وانا اسف
اصير احزام تي ان تي وناسف
افجر الكون بس تزعل عليه

_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ابوذيااااات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
محطة الحب :: المنتدى الادبي :: الاشعار-
انتقل الى: